對 一個 有文化 ee 國家 來講, 統一 ee 語言 是 民眾 同心 ee 基礎。   Tngf larn ti 911-慘案以後 聽著 人 teq 唱講 "Larn, 美國人!" ee 時 有  joaxniq'大 ee 感動⁺aq.   Zef 是 連結著 每一個人 ee 內心 ee 共同話句。   Larn nar 不來 為著 國家 ee 進展 也 唱講 "Larn, 台灣人!" leq?    Ti cit'ee 時陣, na 有人 跳出來 嚷講 "Oh, mxtioh, larn 不是。   Larn 是 Daioaan-人!", afnny oe 有 什麼 taixcix 發生?    共同 ee 語言中 ee 一句話, 也 oe cviazox boeq 勾出 眾人 心底 ee 情緒 ee 引鉤, 所以 larn 講, 人類社會 是 eng y ee 語言 laai 相連 ee.
              .
       社會學者 公認, 人類思想 ee 大部份 是 無聲音 ee 語言。   Larn tuy 冊 kab 其他 ee 文字資料 所得著 ee 知識, 贏過 larn 所聽來 ee。   特別 是, 抽象 ee 觀念 khaq-zoe tuy 文字 得來, koq eng 文字 teq 傳布。    Cit'種 所寫 ee 語言 影響著 人 ee 理念, 而 就 創造了 現代思想 ee 體系, 也 制定了 社會 ee 規範。   Ti 大部份 ee 時陣, larn tuy 所寫出 ee 語辭 laai 認出 新觀念 ee 術語 而 不是 tuy 所聽 ee 話音。
              .
      為著 已經 ti 台語文中 所確立 ee 術語, larn aeboeq 繼續 使用 漢字, 有 兩個理由。  頭一個 是, 台灣人 受著 華語 ee 教育, ti hit'中間 大部份 ee 抽象觀念 lorng eng 漢字 laai 學著, 所以 文獻中 ee 華語漢字句 ho 人 比 台語音 khaq-直接 反應-kaux 理念。  而, 第二 是, 一般 ee 漢字句 oe ho bokaang 地方語音 ee 讀者 khix 接受;  譬如 講, "PARADISE" ee 台語 ti 台灣南部 ee 人 是 "loghngg", 不過 ti 宜蘭地區 是 "loghvuii";  yn ee 漢字句 是 siokang ee.
              .
      漢字 ee 採用 卻 oe 遇著 兩項 困難。   第一 是, 漢字 ee 教育 ti gyn'ar ee 初步學習 ee 時, 需要 khaq-zoe ee 時間 kab khaq-大 ee 勞苦。 而 第二 是, ti cit'ee 電腦化 ee 時代裡, y oe 對 台灣人 ee 現代化 cviazox 阻力。
             .
      Tvaf, 每一個 人 lorng 知影, 漢字 對 台灣口語句 是 絕對 無適宜 ee;  尤其 對 hiahniq'zoe ee 單音節口語辭 無適合, ciah'ee 單音節語辭 構成 大部份 ee 口語動詞。   台灣 ee 漢學者 為 ciah'ee 台灣語辭 所題出 ee 漢字, 往往 不是 唯一 ee, zef 就是 講, 一個字 有 一個以上 ee 讀法 kab 意思。    Yn 也 時常 借用 某一個漢字 來, 不過 讀者 teq 讀 全部 ee 文章 ee 時, 卻 不知 hit'ee 漢字 tioh afnnar 讀 koq y ee 意思 是 什麼。  有人 提議 boeq eng 台灣標準 ee 4800-漢字以外 ee cvia'千個 特殊漢字。
             .
       因為 口語 是 初等教育中 ee 台語 ee 大部份, goarn 提議 ti 幼稚園 kab 小學 ee 低年級, 使用 英語字母。    1943-年以來 所發展, 而 今日 叫做 現代拼字系統(TMSS) ee 拼字法 是 最適合 ti cit'ee 階段 ee 課本 ee 文字。    Hef 不是 tioh 分析內心 ee 音感 ciaq 寫-oexzhud ee 音標, 所以 TMSS ee hiah'ee 語辭 是 thafng 單純 "認識" thafng 記⁺teq ee 文字; cviaa-親像 所有 ee 西方語文。
          .
.      將 ciah'ee TMSS-語辭 遵照著 台灣話 ee 文法 laai 排列 ee 方法, tuy 1950-年代初期 就 由 本作者 自 西方文藝作品 ee 台語翻譯 ee 當中 發展出來。    Cit'ee 語辭排列 ee 方式 叫做 MLT, 就是 台語現代文書法。   特別 用心 去 注意著 "文法", 是 MLT ee 關鍵點。   漢字, ti ciaf 是 thafng 使用 ee。    不過 為了 文法上 ee 明確性, 整個語辭 作主 ee TMSS-語辭 比 eng 個別 ee 漢字 作主 ee 華文寫法 khaq-受 人 歡迎。  Cit'ee 結果 是 MLT/TMSS (eng TMSS ee MLT) 或是 叫做 全拉丁字化 ee MLT.

      1980-年代, eng 電腦 laai 做 自動化 ee 台語文書處理 ee 研究 ti 私底下 進行;  goarn 卻是 公開 ti 1978-年前後 發表了 "化學構造式 ee 自動文法解析" 一類 ee 化學研究論文。   Ti ciah'ee 研究當中, 進一步 ee 形式化-MLT ee 觀念 由 ciaf 開發出來。   Zef 是 承接著 Noam Chomsky 博士 ee 嶄新 ee 形式化語文 ee 文法概念 來 ee。     Ti 前世紀底, cit'ee 觀念 就 發表 ti 國際網路(Internet)
上, 然後 為著 boeq 提升 台語文 laai 成做 國際上 有用 ee 語文, 就 ti 去年 ee 11-月 ee 專題中 頭一次 將 起用了 形式化-MLT ee 國際仲介語文 ee 觀念 說明 koq 展示。  Cit'ee 新觀念 ee 實施, thafng ho 台語文 cviazox 東方 kab 西方社會 ee 文化交流 ee 工具。

    自 1997-年, 台語現代文網站: http://www.edutech.org.tw ti Internet-上 開始 發動。   Cit'ee 意圖 是 boeq 向 國際社會 展示 台灣人民 有 家己 ee 文字文化, 而 如今, larn thafng eng hef laai 表現 larn ee 內心;  所-eng ee, 是 親像 西方社會 ee 全拉丁字化 ee 文字 或是 親像 日本 ee 音漢混合型 ee 文字。   Ti ciaf 所展示 ee, 是 一款 ee 希望 kab 現實, 講, 台灣人 eng cit'款 ee 語文系統 無疑 已經 是 一個 現代化 ee 國家。
             .
      Ti ciaf 所留 ee 問題 干單 是, 受過 當今 ee 教育程序, 台灣民眾 是不是 願意 接受 cit'套 台語文系統 khaq-贏過 一向 ee 無合時宜 ee 華文系統。.     MLT/TMSS thafng 直接 使用 外國 ee 科技術語, 而 無需要 將 hiah'ee 改寫做 華語音 ee 漢字, 然後 koq 查 hiah'ee 漢字 ee 台語音 laai 寫出 ti 文章 ee 內面。 
所有 ee 科技性 ee 文書, 包括 ti 大學 所-eng ee 科學課本, thafng 容易 翻譯做 MLT/TMSS。    Ti ciaf, eng 電腦 ee 自動翻譯 ma 成做 有希望。    Afnny, larn 
就 thafng kab 全世界 ee 先進國家 同步 laai 發展。
             .
      所有 ee 中國古典作品 lorng 已經 ti 台灣 有 口語華文 ee 翻譯。   Tuy ciaf 再翻譯做 MLT/TMSS, 完全 無 困難。    連 hiah'ee 古老 ee 漢語詩 ee 韻律 ma thafng eng TMSS 當做 音標 laai 注 ti 漢字上 laai 完全 保留。   Afnny, 台灣 ee 漢學者 所有 ee 掛慮, ti larn 採用 台語 ee 現代文以後 thafng 全部 解決。    台語文 ee 現代化, ti yn 解除了 對 "現代化 是 反對古典" ee 疑慮以後 就  thafng 完成。    事實上, 台灣人 依然 是 台灣人, 而 干單 對 larn ee 未來發展 ee 阻力 oexthafng 除去。   台灣社會 oe 經過 larn ee 語文系統 ee 現代化 laai ho 將來 kohkhaq 開放。